喺尖沙咀行完街，又想食得fresh d就喺附近搵咗呢間素食店，menu上嘅菜式同飲品全部係純素食。
店舖有好多好靚既打卡位，自助形式。
我哋叫咗黑松露醬大啡菇芝士牛堡配牛油果沙律同泰式香芒牛油果蝦沙律。
仲叫咗一件抹茶紅豆蛋糕同一件紅絲絨蛋糕做甜品。
飲品方面就點咗蝶豆花柚子梳打同雜莓smoothie。
先講牛堡，用咗竹炭包都幾有特色，不過有少少硬，夾住大啡菇、impossible素牛肉漢堡、芝士等材料，個黑松露醬都幾香。配嘅牛油果沙律就冇咩特別。
香芒牛油果蝦沙律，用咗泰式醬汁做base加埋芒果同牛油果，酸酸甜甜，都幾開胃，蝦當然係素蝦，不過賣相就十分似真，差d俾佢呃到。
兩款蛋糕比較實淨唔算鬆軟，口感較似brownie，可能係因為冇用蛋同牛奶。
蝶豆花柚子梳打藍橙漸變色，打卡一流。至於雜莓smoothie莓味同顏色都比較淡。
。
。
齋啡
尖沙咀柯士甸道154-156號花園大廈地下7B號舖
。
。
Search